‘కర్మ’ సినిమాతో తెలుగు సినిమాకు పరిచయం అయ్యి పవన్ కళ్యాణ్ ‘పంజా’ చిత్రంలో విలక్షణ నటనతో సినీ ప్రియుల మన్ననలను అందుకున్న అడివి శేష్ హీరోగా నటిస్తున్న తాజా చిత్రం ‘కిస్’. అడివి శేష్ దర్శకత్వ భాద్యతలు కూడా నిర్వహిస్తున్న ఈ ‘కిస్’ చిత్ర ఆడియో విడుదల కార్యక్రమం తెలుగు సినిమా ప్రముఖుల సమక్షంలో హెచ్ ఐ సి సి నోవాటెల్ వేదికగా జూన్ 23, 2013 న జరగనుంది.
అమెరికాలోని శాన్ ప్రాన్సిస్కో నేపధ్యంగా రోమాంటిక్ కామెడీ తరహాలో రూపొందుతున్న ఈ చిత్రంతో మిస్ కెనడా బ్యూటిఫుల్ స్మైల్ ప్రియ బెనర్జీ హీరోయిన్ గా పరిచయం అవుతుంది. థౌజండ్ లైట్స్ ఐ యన్ సి సమర్పణలో మై డ్రీమ్ సినిమా ప్రైవేట్ లిమిటెడ్ పతాకం ఫై’వినాయకుడు’, ‘విలేజ్ లో వినాయకుడు’ సినిమాల దర్శకుడు సాయి కిరణ్ అడివి ఈ చిత్రాన్ని నిర్మిస్తున్నారు. కర్మ ఫేం పీట్ వండర్ ‘కిస్’ టైటిల్ సాంగ్ స్వరపరచగా… మిగత పాటలకు రూపకల్పన చేస్తూ శ్రీ చరణ్ పాకాల సంగీత దర్శకుడిగా ఈ చిత్రంతో పరిచయం అవుతున్నారు. జులై నెలలో విడుదలకు సన్నద్ధం అవుతున్న ఈ సినిమాలో షఫి, భరత్ రెడ్డి, అడివి చంద్ర ప్రధాన పాత్రలు పోషిస్తున్నారు.
