బీసీసీఐ అధ్యక్షుడు శ్రీనివాసన్ రాజీనామాకు అన్నివైపుల నుంచి ఒత్తిడి పెరుగుతోంది. బీసీసీఐ సభ్యుల నుంచి రాజీనామా ఒత్తిడి పెరుగుతున్నప్పటికినీ.. గతకొన్ని రోజులుగా రాజీనామా చేసేది లేదంటూ శ్రీనివాసన్ ఖరాఖండిగా చెబుతూ వస్తున్నారు. కాగా, శుక్రవారం బీసీసీఐ సెక్రటరీ, ట్రెజరర్ రాజీనామా చేశారు. ఈ నేపథ్యంలో.. బీసీసీఐ అత్యవసర సమావేశం జూన్ 8 న నిర్వహిస్తున్నట్లు శ్రీనివాసన్ ప్రకటించారు. మరోవైపు బీసీసీఐ ఉపాధ్యక్షుడు అరుణ్ జైట్లీ సంచలన ప్రకటన చేశారు. బీసీసీఐ వ్యవహారంలో రేపటిలోగా సంచన ప్రకటన వింటారని మీడియాతో జైట్లీ అన్నారు. దీంతో శ్రీనివాసన్ రాజీనామా చేయక తప్పనిసరి పరిస్థితులు ఏర్పడుతున్నాయి.
