HIT: The 3rd Case : నేచురల్ స్టార్ నాని మోస్ట్ క్రేజీయస్ట్ మూవీ ‘HIT: The 3rd Case’ లో ఇంటెన్స్ క్యారెక్టర్ లో కనిపిస్తున్నారు. డాక్టర్ శైలేష్ కొలను దర్శకత్వం వహిస్తున్న ఈ చిత్రాన్ని యునానిమస్ ప్రొడక్షన్స్‌తో కలిసి వాల్ పోస్టర్ సినిమా పై ప్రశాంతి తిపిర్నేని నిర్మిస్తున్నారు. క్రైమ్ థ్రిల్లర్ గా వస్తున్న ఈ చిత్రంలో నాని అర్జున్ సర్కార్ గా కనిపించనున్నారు.
క్రిస్మస్ సందర్భంగా విషెస్ తెలియజేస్తూ పోస్టర్ ని రిలీజ్ చేశారు మేకర్స్. నాని బ్లాక్ అండ్ బ్లాక్ అవుట్ ఫిట్ లో సన్ గ్లాసెస్ ధరించి, బ్లాక్ హార్స్ కళ్ళెం పట్టుకొని డైనమిక్ లుక్ లో కనిపించిన పోస్టర్ అదిరిపోయింది. బ్యాక్ గ్రౌండ్ లో మంచుతో నిండిన మౌంటెన్ ల్యాండ్ స్కేప్ విజువల్ ఫీస్ట్ లా వుంది. ప్రస్తుతం ఈ పోస్టర్ సోషల్ మీడియాలో వైరల్ అవుతోంది.
ఈమూవీ షూటింగ్ ప్రస్తుతం కాశ్మీర్‌లో జరుగుతోంది. ఇంటెన్స్ యాక్షన్ సీక్వెన్స్ తో పాటు టాకీని చిత్రీకరిస్తున్నారు. ఈ చిత్రంలో శ్రీనిధి శెట్టి కథానాయికగా నటిస్తోంది. మిక్కీ జె. మేయర్ సంగీతం అందిస్తున్నారు.కాగా HIT 3 మే 1, 2025న థియేటర్లలోకి రానుంది.
