దేశంలోనే బడా వ్యాపారవేత్త అయిన ముఖేష్ అంబానీ తాజాగా బోయింగ్ 737 మ్యాక్స్ 9 విమానాన్ని కూడా కొనుగోలు చేశాడు. దేశంలో ఇదే తొలి ప్రైవేట్ బోయింగ్ విమానం. ఈ విలాసవంతమైన ప్రైవేట్ బోయింగ్ విమానం ఖరీదు వెయ్యి కోట్ల రూపాయలు. డెలివరీకి ముందు, బోయింగ్ విమానం ముఖేష్ అంబానీ అభిరుచులకు అనుగుణంగా స్విట్జర్లాండ్‌కు పంపబడింది. అక్కడ అవసరమైన అన్ని మార్పులు చేయబడ్డాయి. బోయింగ్ 737 మ్యాక్స్ విమానాలను సాధారణంగా విమానయాన సంస్థలు విదేశాలకు, సుదూర సేవలకు ఉపయోగిస్తాయి. ఇంత భారీ విమానాన్ని ముఖేష్ అంబానీ ప్రైవేట్ జెట్ గా కొనుగోలు చేయడం ఇప్పుడు హాట్ టాపిక్ గా మారింది. ఈ బోయింగ్ విమానంతో రిలయన్స్‌ ఇండస్ట్రీస్‌కు చెందిన మొత్తం ప్రైవేట్ జెట్‌ల సంఖ్య పదికి చేరింది. ఇందులో వివిధ రకాల విమానాలు ఉన్నాయి. ఈ బోయింగ్ విమానంలో ఆగకుండా (6355 నాటికల్ మైళ్లు) 11,770 కిలోమీటర్ల దూరం ప్రయాణించవచ్చు.
