హీరోగా వ‌రుస విజ‌యాల‌ను అందుకుంటున్న సుహాస్ మ‌రోసారి ‘జనక అయితే గనక’ వంటి డిఫ‌రెంట్ మూవీతో అల‌రించ‌టానికి సిద్ధ‌మ‌వుతున్నారు. బలగం సినిమాతో చారిత్రాత్మక విజయాన్ని అందుకున్న ప్రతిష్టాత్మక నిర్మాణ సంస్థ దిల్‌రాజు ప్రొడక్షన్స్ లో ఈ చిత్రం రానుంది. సలార్ డైలాగ్ రైటర్ సందీప్ రెడ్డి బండ్ల దర్శకత్వం వహిస్తున్న ఈ సినిమాను శిరీష్ స‌మ‌ర్ప‌ణ‌లో హ‌ర్షిత్ రెడ్డి, హ‌న్షిత రెడ్డి నిర్మిస్తున్నారు. ఫ్యామిలీ ఎంట‌ర్‌టైనింగ్ కోర్టు డ్రామా నేపథ్యంలో వస్తున్న ఈ చిత్రం ఫస్ట్ లుక్‌ను మేకర్స్ మంగ‌ళ‌వారం విడుదల చేశారు.
గుడిలో ప్రదక్షిణలు ఎందుకు చేస్తారు ?
ఫస్ట్ లుక్‌ను గ‌మ‌నిస్తే.. సినిమా టైటిల్ ఉన్న ప‌ల‌క‌ను ప‌ట్టుకున్న హీరో సుహాస్ దాన్ని ఓర‌గా ఓ కంటితో చూస్తున్నారు. ఇంకా పోస్ట‌ర్‌లో న్యాయ‌దేవత బొమ్మ, చిన్న‌పిల్ల‌ల‌కు సంబంధించిన స్కూల్ బ్యాగ్‌, స్కూల్ బ‌స్‌, టెడ్డీ బేర్ కూడా వున్నాయి. ఇక జూలై 4న టీజర్‌ను విడుదల చేయనున్నట్లు మేకర్స్ వెల్లడించారు. సంకీర్తన విపిన్ కథానాయికగా నటిస్తోంది. సాయి శ్రీరామ్ సినిమాటోగ్ర‌ఫీ అందిస్తోన్న ఈ చిత్రానికి విజ‌య్ బుల్గానిన్ సంగీతాన్ని అందిస్తున్నారు. రాజేంద్ర ప్రసాద్, వెన్నెల కిషోర్, మురళి శర్మ, రఘుబాబు తదితరులు ఇతర ముఖ్య పాత్రల్లో నటిస్తున్నారు.
