మాజీ మంత్రి కుందూరు జానారెడ్డి ఈరోజు రోడ్లు భవనాలు సినిమాటోగ్రఫీ శాఖ మంత్రి కోమటిరెడ్డి వెంకట్ రెడ్డిని బంజారాహిల్స్ లోని మంత్రి నివాసంలో మర్యాదపూర్వకంగా కలిసారు. నల్గొండ పార్లమెంట్ అభ్యర్ధిగా తన కుమారుడు కుందూరు రఘువీర్ రెడ్డి ని ఆశీర్వదించాలని మంత్రి కోమటిరెడ్డి వెంకట్ రెడ్డిని జానారెడ్డి కోరారు. ఇరువురు నేతలు మూడు దశాబ్ధాలుగా రాజకీయాల్లో తమ మధ్య ఉన్న అనుబంధాన్ని ఈ సందర్భంగా గుర్తు చేసుకున్నారు. రఘువీర్ కు తన సంపూర్ణ సహకారం ఉంటుందని, రుఘువీర్ ను భారీ మెజార్టీతో గెలిపించుకుందామని మంత్రి కోమటిరెడ్డి వెంకట్ రెడ్డి తెలిపారు. జానారెడ్డితో పాటు నల్గొండ డీసీసీ అధ్యక్షులు శంకర్ నాయక్, దేవరకొండ ఎమ్మెల్యే బాలునాయక్, నాగార్జున సాగర్ ఎమ్మెల్యే జయవీర్ తదితరులు పాల్గొన్నారు.
