స్టార్ బాయ్ సిద్ధు జొన్నలగడ్డ ‘డీజే టిల్లు’ సినిమాతో మంచి విజయాన్ని అందుకున్నారు. ప్రస్తుతం సిద్దు.. బ్లాక్‌బస్టర్ డైరెక్టర్ బొమ్మరిల్లు బాస్కర్‌తో ఓ సినిమా చేస్తున్నారు. శ్రీ వెంకటేశ్వర సినీ చిత్ర బ్యానర్‌పై ప్రముఖ నిర్మాత బివిఎస్‌ఎన్ ప్రసాద్ ఈ చిత్రాన్ని నిర్మించారు. సిద్దు పుట్టిన రోజు సందర్భంగా ఈ ప్రాజెక్ట్‌కు సంబంధించిన అప్డేట్ ఇచ్చారు మేకర్స్.
ఈరోజు (ఫిబ్రవరి 7) సిద్ధు జొన్నలగడ్డ పుట్టినరోజు సందర్భంగా ఈ సినిమా టైటిల్ తో పాటుగా మోషన్ పోస్టర్‌ను విడుదల చేశారు. “జాక్” అనే క్రేజీ టైటిల్ ను ఫిక్స్ చేయగా.. “కొంచెం క్రాక్” అనేది ట్యాగ్ లైన్‌. ఇక సిద్ధు జొన్నలగడ్డ స్టైల్, చేతిలో గన్నుతో హైలెట్ అవుతున్నారు. డబుల్ గన్, డబుల్ ఫన్ అనేలా ఈ చిత్రం ఉండబోతోందని అర్థమైతుంది. ఇందులో బేబీ ఫేమ్ వైష్ణవి చైతన్య కథానాయికగా నటిస్తోంది.
