ఎప్పటికప్పుడు సరికొత్త కార్యక్రమాలతో వినోదాన్ని పంచుతూ, ప్రేక్షకులను మెప్పించడంలో ‘ఆహా’ ఓటీటీ ముందుంటుంది. తాజాగా మరో ఒరిజినల్ మూవీ ‘భామాకలాపం 2’ తో ప్రేక్షకులను మెప్పించటానికి సిద్ధమవుతోంది ‘ఆహా’. విజనరీ డైరెక్టర్ అభిమన్యు తాడిమేటి తెరకెక్కించిన భామాకలాపం ఫిబ్రవరి 11న 2022లో విడుదలై అందరినీ ఆకట్టుకున్న సంగతి తెలిసిందే. నాలుగు మిలియన్స్‌కు పైగా వ్యూయింగ్‌ను సాధించి రికార్డ్ క్రియేట్ చేసి బ్లాక్ బస్టర్ విజయాన్ని సొంతం చేసుకుంది. ఇప్పుడు దానికి సీక్వెల్ గా వస్తున్న ‘భామాకలాపం 2’ గ్లింప్స్ ను విడుదల చేసారు మేకర్స్.
గ్లింప్స్ చూస్తుంటే.. భామాకలాపం 2 తో ఎవరూ ఊహించనంత రీతిలో థ్రిల్లింగ్ కంటెంట్‌ను అందించబోతున్నట్లు తెలుస్తుంది. అంతేకాదు ప్రియమణి, శరణ్య సస్పెన్స్ డైలాగ్స్ ప్రేక్షకుల్లో ‘భామాకలాపం 2’ పై ఆసక్తిని పెంచింది. అనుపమ పాత్రలో ప్రియమణి అమాయక ఇల్లాలుగా మెప్పించనుంది. అసలు ప్రియమణి పాత్రకు దోపిడీకి సంబంధమేంటనే ఆసక్తిని ప్రేక్షకుల్లో మరింతగా పెంచారు.
డ్రీమ్ ఫార్మర్స్, బాపినీడు, సుధీర్ ఈదరలతో పాటు ఆహా రూపొందిస్తోన్న ఈ సినిమాలో ప్రియమణి ప్రధాన పాత్రలో మెప్పించనుంది. ఇంకా ఈ చిత్రంలో సీరత్ కపూర్, శరణ్య, రఘు ముఖర్జీ, అనుజ్ గుర్‌వార్, బ్రహ్మాజీ తదితరులు ఇతర కీలక పాత్రల్లో నటించారు. త్వరలోనే ‘భామాకలాపం 2’ వంటి సెన్సేషనల్ ఒరిజనల్‌తో థియేటర్స్‌లో సందడి చేయటానికి సిద్ధంగా ఉండండి అని మేకర్స్ తెలిపారు.
The CRAZIEST Partners re-unite to serve you all 'A Delicious Heist Feast’ yet again😈
Glimpse of #Bhamakalapam2 🔪 OUT NOW
SERVING SOON 🤩@ahavideoIN #Priyamani #AbhimanyuTadimeti @prashanthvihari #DeepakYaragera #Bapineedu @sudheer_ed @WeDreamFarmers @sprite_india pic.twitter.com/VdO4pHLYKp
— ahavideoin (@ahavideoIN) January 18, 2024
