కన్నడ సూపర్ స్టార్ ఉపేంద్ర స్వీయ దర్శకత్వం వహిస్తున్న తన తాజా చిత్రం ‘యూఐ’ ది మూవీ. ఈ చిత్రాన్ని మనోహరన్-శ్రీకాంత్ కేపీ సంయుక్తంగా నిర్మిస్తుండ‌గా, కాంతారా ఫేమ్ అజనీష్ లోకనాథ్ సంగీతం సమకూర్చారు. ఇటీవలే ఈ సినిమా నుంచి కేవ‌లం వాయిస్‌తో రిలీజ్ చేసిన గ్లింప్స్ అందరినీ ఆకట్టుకోగా, తాజాగా వరల్డ్ ఆఫ్ UI పేరుతో ఈ మూవీ ఫస్ట్ లుక్ టీజర్ ని విడుదల చేసారు మేకర్స్.
ఇక ఈ టీజర్ ని చూస్తుంటే ఫిక్ష‌న‌ల్ బ్యాక్‌డ్రాప్‌లో, యాక్ష‌న్‌, అడ్వెంచ‌ర్‌గా సినిమా ఉండ‌నున్న‌ట్లు తెలుస్తోంది. సినిమా కోసం నిర్మించిన వరల్డ్ అద్భుతంగా అనిపిస్తూ ఆసక్తిని పెంచింది. ముఖ్యంగా గ్రాండ్ విజువల్స్, ప్రపంచ స్థాయి VFX, బ్యాక్ గ్రౌండ్ స్కోర్ సరికొత్త అనుభూతిని అందిస్తాయి. చివర్లో ఉపేంద్ర దున్న‌పోతుపై ఎంట్రీ ఇచ్చే సీన్ అదిరిపోయింది. ఇక ఈ టీజర్ లాంచ్ కార్య‌క్ర‌మానికి కన్నడ స్టార్ శివ‌రాజ్‌కుమార్, తెలుగు స్టార్ ప్రొడ్యూస‌ర్ అల్లు అర‌వింద్ ముఖ్య అతిథులుగా హ‌జ‌ర‌య్యారు. కాగా ఈ సినిమాలో ఉపేంద్రకు జోడీగా రీష్మా నానయ్య నటిస్తుంది.
