హీరో సుధీర్ బాబు పాన్ ఇండియా చిత్రం ‘హరోం హర’. జ్ఞానసాగర్ ద్వారక దర్శకత్వంలో శ్రీ సుబ్రహ్మణ్యేశ్వర సినిమాస్ బ్యానర్‌పై సుమంత్ జి నాయుడు ప్రతిష్టాత్మకంగా నిర్మిస్తున్నారు. ప్రభాస్, మమ్ముట్టి, టైగర్ ష్రాఫ్, విజయ్ సేతుపతి, కిచ్చా సుదీప్‌లు ‘పవర్ ఆఫ్ సుబ్రమణ్యం పేరుతో తెలుగు, మలయాళం, హిందీ, తమిళం, కన్నడ భాషల్లో ‘హరోం హర’ టీజర్‌ను లాంచ్ చేశారు.
హీరోని పోలీసులు అరెస్టు చేయడంతో టీజర్ ప్రారంభమవుతుంది. అతని మద్దతుదారులు వారిని ఆపడానికి ప్రయత్నిస్తారు. సుబ్రమణ్యంగా సుధీర్ బాబు సాధారణ వ్యక్తి, కానీ పరిస్థితులు అతన్ని హింసాత్మక మార్గంలో నడపవలసి వస్తుంది. కథాంశాన్ని రివిల్ చేయకుండా, అన్ని ప్రధాన పాత్రలను, సినిమా ప్రిమైజ్ ని ఆకట్టుకునేలా అద్భుతంగా టీజర్ ప్రెజెంట్ చేసింది. టీజర్ ని చాలా ఇంటెన్స్, ఎనర్జీతో కూడిన అంశాలతో అద్భుతంగా కట్ చేశారు.
సరికొత్త మేకోవర్ లో సుధీర్ బాబు ప్రేక్షకులని కట్టిపడేశారు. కుప్పం నేపథ్యంలో సాగే కథ కావడంతో రాయలసీమ స్లాంగ్‌లో పలికిన డైలాగులు ఆకట్టుకున్నాయి. సునీల్ తన ప్రెజన్స్ తో అలరించాడు, మాళవిక శర్మ హీరోయిన్ గా ఆకట్టుకుంది. బ్యాగ్రౌండ్ స్కోర్ టీజర్ గ్రాండియర్ ని పెంచుతుంది. ఇకపోతే 2024 ప్రారంభంలో తెలుగు, తమిళం, కన్నడ, మలయాళం, హిందీలో విడుదల కానున్న ప్రాజెక్ట్ పై ఈ టీజర్ చాలా ఎక్సయిట్మెంట్ ని క్రియేట్ చేసింది.
