పాన్ ఇండియా స్టార్ ప్రభాస్, కేజీఎఫ్ డైరెక్టర్ ప్రశాంత్ నీల్ కాంబోలో భారీ బడ్జెట్ తో తెరకెక్కుతున్న మూవీ ‘సలార్’. హోంబలే ఫిలింస్ బ్యాన‌ర్‌పై రూపొందుతోన్న ఈ చిత్రంలో శృతిహాసన్ హీరోయిన్ గా నటిస్తుంది. ఇకపోతే అందరూ ఎంతో ఎదురుచూస్తున్న ‘సలార్’ టీజర్ ఈరోజు ఉదయం రిలీజ్ చేసారు మేకర్స్. ప్రస్తుతం ఈ టీజర్ యూట్యూబ్ లో దూసుకెళ్తుంది. కాగా సెప్టెంబ‌ర్ 28న తెలుగు, క‌న్న‌డ, హిందీ, మ‌ల‌యాళ, త‌మిళ భౄష‌ల్లో ప్ర‌పంచ వ్యాప్తంగా భారీ రేంజ్‌లో విడుద‌ల‌వుతుంది.
ఇకపోతే ప్రభాస్ ‘సలార్’ సినిమా రిలీజ్ రోజునే ‘ది కాశ్మీర్ ఫైల్స్’ చిత్ర దర్శకుడు వివేక్ అగ్నిహోత్రి తన తదుపరి చిత్రం ‘ది వ్యాక్సిన్ వార్’ రిలీజ్ చేయాలని చూస్తున్నారట. ప్రస్తుతం ఈ న్యూస్ సోషల్ మీడియాలో వైరల్ అవుతుంది. అయితే ఇంతకుముందు కూడా వివేక్ అగ్నిహోత్రి దర్శకత్వంలో వచ్చిన ‘ది కాశ్మీర్ ఫైల్స్’ మార్చి 11, 2022న ప్రభాస్ మూవీ ‘రాధేశ్యామ్’ తో పాటు విడుదలై ఎంతటి సంచలనం సృష్టించిందో అందరికి తెలిసిందే. మరి ఇప్పుడు ‘ది వ్యాక్సిన్ వార్’ కూడా ‘సలార్’ ను ఢీకొట్టబోతుందనే వార్తలు వస్తున్నాయి.
ఇకపోతే ‘ది వ్యాక్సిన్ వార్’ చిత్రాన్ని కరోనా మహమ్మారి, వ్యాక్సిన్ నేపథ్యంతో దర్శకుడు వివేక్ అగ్నిహోత్రి తెరకెక్కిస్తున్నాడు. కరోనా వచ్చినప్పుడు ప్రజలు పడ్డ ఇబ్బందులు, లాక్ డౌన్, వ్యాక్సిన్ కోసం పడిగాపులు ఇలా ఎన్నో విపత్కరమైన పరిస్థితులను మన దేశం ఎలా ఎదుర్కొన్నాం అన్న అంశాలతో ఈ సినిమా రానుంది.
