పవర్ స్టార్ పవన్ కల్యాణ్‌, సాయి ధరమ్‌ తేజ్‌ కలిసి నటిస్తున్న చిత్రం ‘PKSDT’. సముద్రఖని దర్శకత్వంలో రూపొందుతున్న ఈ సినిమా షూటింగ్ దాదాపు పూర్తీ కావొస్తోంది. అయితే ఇప్పుడు ఈ సినిమాకి సంబంధించిన క్రేజీ అప్‌డేట్‌ ఒకటి వచ్చింది. ఈ సినిమా టైటిల్, ఫస్ట్ లుక్ రిలీజ్ కి డేట్‌, టైమ్‌ ఫిక్స్ చేశారు చిత్రబృందం.
రేపు (మే 18న) సాయంత్రం 4 గంటల 14 నిమిషాలకు ఈ సినిమా టైటిల్ సహా ఫస్ట్ లుక్ పోస్టర్ రిలీజ్ చేయనున్నట్లు అధికారికంగా ప్రకటించారు మేకర్స్. దీంతో ఫ్యాన్స్ ఫుల్ ఖుషీ అవుతున్నారు. అప్పుడే సంబరాలు స్టార్ట్ చేస్తున్నారు. ఇకపోతే ఈ సినిమా తమిళంలో వచ్చిన ‘వినోదయ సీతం’ చిత్రానికి రీమేక్‌. కాగా ఈ చిత్రానికి త్రివిక్రమ్ మాటలు, స్క్రీన్ ప్లే అందిస్తుండగా పీపుల్ మీడియా ఫ్యాక్టరీ బ్యానర్ పై నిర్మిస్తున్నారు. ఇక ఈ సినిమాలో పవన్ కళ్యాణ్‌ దేవుడిగా కనిపిస్తాడట.
