ప్రముఖ నిర్మాణ సంస్థ స్వప్న సినిమా నిర్మాణంలో టాలెంటెడ్ డైరెక్టర్ నందిని రెడ్డి దర్శకత్వంలో సంతోష్ శోభన్, మాళవిక నాయర్ ప్రధాన పాత్రలలో రూపొందిన కంప్లీట్ ఫ్యామిలీ ఎంటర్ టైనర్ ‘అన్నీ మంచి శకునములే’. మిత్ర విందా మూవీస్‌ తో కలిసి ప్రియాంక దత్ ఈ చిత్రాన్ని నిర్మించారు. ఇప్పటికే విడుదలైన ప్రమోషనల్ కంటెంట్ సినిమా పై అంచనాలని పెంచింది. మే 18న ఈ సినిమా ప్రేక్షకుల ముందుకు రాబోతున్న నేపథ్యంలో అన్నీ మంచి శకునములే ప్రీ రిలీజ్‌ ఈవెంట్‌ హైదరాబాద్‌ శిల్పకలావేదిక లో మదర్స్ డే అయిన ఆదివారం నాడు ఆహ్లాదకరంగా జరిగింది. దర్శకులు నాగ్‌ అశ్విన్‌, అనుదీప్‌, హను రాఘవపూడి, నేచురల్‌ స్టార్‌ నాని, దుల్కర్‌ సల్మాన్‌ ప్రత్యేక అతిథిలుగా విచ్చేశారు.
ఈ సందర్భంగా దుల్కర్‌ సల్మాన్‌ మాట్లాడుతూ.. వైజయంతి మా ఫ్యామిలీ లాంటి సంస్థ. వీరితో అవకాశం వస్తే వదులుకోను. రాజేంద్రప్రసాద్‌గారికి నేను ఫ్యాన్‌ ను. మహానటిలో మీ నటనకు అభిమానిని. నాని దసరా తో హిట్‌ కొట్టాడు. సంతోష్ ఇందులో చాలా చార్మింగ్‌ గా వున్నావు. కామెడీ టైమింగ్‌ బాగుంది. ఆల్‌ ది బెస్ట్‌ అన్నారు.
నేచురల్‌ స్టార్‌ నాని మాట్లాడుతూ.. స్వప్న, నాగి, స్వీటీ వీరంతా నా ఫ్యామిలీ. ఈ సినిమా దర్శకురాలు నందినీ గారు స్పెషల్ మూవీ చేసింది. ఈ సినిమా ట్రైలర్‌ లడ్డూలా వుంది. అన్ని శాఖలు బాగా కుదిరాయి. మాళవిక నటించిన ఎవడే సుబ్రహ్మణ్యం కు మంచి పేరు వచ్చింది. తను మంచి పెర్‌ఫార్మర్‌. గొప్ప నటి. సంతోష్ లో చాలా ఈజ్‌ వుంది. కామెడీ టైమింగ్‌ వుంది. నందినికి మరో నాని సంతోష్ రూపంలో దొరికాడు. ఈ టైటిల్‌ విన్నప్పుడు చాలా పెద్దగా వుందే అనిపించింది. అలాంటిది స్వప్న ఈ సినిమా టైటిల్‌ ను జనాల్లోకి రీచ్‌ అయ్యేలా కృషి చేశారు. అందరికీ గుర్తుండేలా ఈ సినిమా స్పెషల్ మూవీ అవుతుంది. మే 18న మార్నింగ్‌ షోకు వస్తున్నాను. మీరూ రండి. రిలీజ్‌ కు ముందు అన్నీ మంచి శకునములే కనిపిస్తున్నాయి అని అన్నారు.
సంతోష్ శోభన్ మాట్లాడుతూ.. నాని, దుల్కర్‌ ఈ వేడుకకు రావడం చాలా సంతోషంగా వుంది. నా మొదటి సినిమాను నాని చూసినప్పుడు థియేటర్‌ లో నిలుచొని చూశారు. అదేమిటంటే తన సినిమా కూడా అలాగే చూస్తానని అన్నారు. ఆయన సపోర్ట్‌ కు థ్యాంక్స్‌. ఇక దుల్కర్‌ సల్మాన్‌ చాలా నార్మల్‌ గా వుంటాడు. నేను సీతారామం మ్యూజికల్‌ ఫేవరేట్‌ అయ్యాను. దుల్కర్‌ రావడం చాలా ఆనందంగా వుంది. హనుగారు, నాగ్‌ అశ్విన్‌ గారు రావడం మరింత ఆనందంగా వుంది. వైజయంతి మూవీస్‌ నుంచి చాలా నేర్చుకున్నాను. స్వప్న అక్క చాలా హార్డ్‌ వర్కర్‌. నందినీ రెడ్డి గారి దర్శకత్వంలో నటించడం చాలా హ్యాపీగా వుంది. ఇంతమంది సీనియర్స్‌ తో పనిచేయడం గౌరవంగా, అదృష్టంగా భావిస్తున్నాను. మాళవిక టెర్రిఫిక్ పెర్‌ఫార్మెన్స్‌ ఇచ్చింది. ఈ సినిమా చూశాక మీ మనసు తేలికవుతుంది అని అన్నారు.
నందినీ రెడ్డి మాట్లాడుతూ, నాని తోనే నా సినిమా కెరీర్‌ మొదలైంది. అలా మొదలైంది నాని వల్లే పూర్తయింది. దుల్కర్‌ ఈ వేడుకకు రావడం ఆనందంగా ఉంది. దత్ గారు నాన్నలా పెద్ద దిక్కులా గైడ్‌ చేశారు. షావుకారు జానకి గారి తో పనిచేయడం గర్వంగా వుంది. అందరికీ ఈ సినిమా మంచి పేరు తెచ్చిపెడుతుందని అన్నారు. స్వప్నా దత్ మాట్లాడుతూ.. మే 18 గొప్ప సినిమా మీ ముందుకు వస్తుంది. మన అమ్మమ్మగారి ఇంటికివెళ్లి మామిడికాయ తిన్నంత హ్యాపీ ఫీలింగ్‌ కలుగుతుంది అన్నారు.
