మాస్ మహారాజా రవితేజ ఇటీవల తన సొంత ప్రొడక్షన్ బ్యానర్ ఆర్‌టి టీమ్‌వర్క్స్‌ను ప్రారంభించిన సంగతి తెలిసిందే. ప్రతిభావంతులైన ఫిల్మ్‌మేకర్స్, కొత్త నటీనటులను ప్రోత్సహించడానికి కంటెంట్ ప్రాధాన్యత గల చిత్రాలని నిర్మించడానికి సన్నాహాలు చేస్తున్నారు. ఈ బ్యానర్ నుండి ప్రొడక్షన్ నెం 4గా ‘ఛాంగురే బంగారురాజా’ అనే కొత్త చిత్రం రూపొందుతోంది. క్రైమ్ కామెడీగా తెరకెక్కుతున్న ఈ చిత్రానికి సతీష్ వర్మ దర్శకత్వం వహిస్తున్నారు. ఇక కేరాఫ్ కంచరపాలెం, నారప్ప ఫేమ్ కార్తీక్ రత్నం ప్రధాన పాత్రలో నటిస్తున్నారు. కుషిత కల్లపు కథానాయికగా కనిపించనుంది. ఫ్రేమ్ బై ఫ్రేమ్ పిక్చర్స్ తో కలిసి రవితేజ ఈ చిత్రాన్ని నిర్మిస్తున్నారు. కృష్ణ సౌరభ్ సంగీతం అందిస్తున్నారు.
తాజా సమాచారం మేరకు, ఛాంగురే బంగారు రాజా చిత్రీకరణ పూర్తయ్యిందని తెలుస్తుంది. ఈ మేరకు మేకర్స్ అఫీషియల్ పోస్టర్స్ విడుదల చేసారు. ఇక అతి త్వరలోనే ఎక్జయిటింగ్ ప్రమోషనల్ కంటెంట్ తో ప్రేక్షకులను అలరించేందుకు రాబోతున్నామని చిత్రబృందం తెలిపింది. ఇక ”ఛాంగురే బంగారురాజా’ టైటిల్ శ్రీ కృష్ణ పాండవీయంలోని పాపులర్ పాట నుండి తీసుకున్నారు.
