ఎవ‌రి అంచ‌నాల‌కూ అంద‌కుండా దూసుకుపోవ‌డం రజనీకాంత్ స్టైల్‌. సినిమాల్లోనే కాదు. నిజ‌జీవితంలోనూ అంతే! అందరికీ షాక్‌ల మీద షాక్‌లు ఇస్తుంటారు. శ్రీ‌దేవికి కూడా ఇలాంటిదే ఓ తియ్యటి షాక్ ఇచ్చారు. ఇటీవ‌ల అతిలోక సుంద‌రి చెన్నైలో ఓ విందు ఏర్పాటు చేసింది. త‌న‌కు అత్యంత సన్నిహితుల‌ను, మిత్రుల‌ను, త‌న‌తో క‌లిసి న‌టించిన క‌థానాయ‌కుల‌నూ ఈ విందుకు ఆహ్వానించింది. ఆ జాబితాలో రజనీకాంత్ కూడా ఉన్నారు. అయితే ర‌జ‌నీ ఈ విందుకు వ‌స్తారా? రారా ? అనే అనుమానంతోనే ఆహ్వానం పంపింది. ర‌జ‌నీ ఇలాంటి విందుకు దూరం… అని శ్రీ‌దేవికీ తెలుసు. అయినా ఏదో ఒక ఆశ. ర‌జ‌నీని పిలిచిన సంగతి.. మిగ‌తావాళ్లకూ చెప్పలేదు. ఎందుకంటే తీరా రాకపోతే.. ఫీల్ అవ్వాల్సి వ‌స్తుంద‌ని. విందు మొద‌లైనా ర‌జ‌నీ రాలేదు. ఆయ‌న రారు.. అని శ్రీ‌దేవి కూడా ఫిక్సయిపోయింది. అయితే ఆ వేడుక‌లో స‌డ‌న్‌గా సూప‌ర్‌స్టార్ ప్రత్యక్షమై… అంద‌రినీ ఆశ్చర్యానికి గురి చేశారు. ర‌జ‌నీ రాక‌తో విందు మ‌రింత ఉల్లాసంగా జ‌రిగింద‌ని శ్రీ‌దేవి కూడా ఖుషీ అయిపోయింది.
