నిఖిల్ – అనుపమ జంటగా చందు డైరెక్షన్లో ప్రేక్షకుల ముందుకు వచ్చిన చిత్రం కార్తికేయ 2 . ఆగస్టు 13 న ప్రేక్షకుల ముందుకు వచ్చి భారీ విజయం సాధించింది. తెలుగు తో పాటు హిందీలోనూ వసూళ్ల వర్షం కురిపిస్తుంది. ఈ తరుణంలో ఈ మూవీ ఫై వర్మ ఓ ఇంట్రెస్టింగ్ ట్వీట్ చేసారు.
‘రెండో శుక్రవారానికి కార్తికేయ-2 మూవీ ఆమిర్ ఖాన్ లాల్ సింగ్ చడ్డా, అక్షయ్ కుమార్ రక్షాబంధన్ సినిమాల కంటే డబుల్ కలెక్షన్స్ రాబట్టింది. రాజమౌళి RRR, ప్రశాంత్ నీల్ KGF-2 సినిమాల కంటే బ్లాక్‌బస్టర్‌గా నిలిచింది. డైరెక్టర్ చందూ మొండేటికి అభినందనలు..’ అంటూ ఆర్జీవీ (RGV) రాసుకొచ్చాడు. పనిలో పనిగా అందరికీ ట్యాగ్ చేసి.. ఇండైరెక్ట్‌గా కౌంటర్ ఇచ్చాడు. ప్రస్తుతం ఈ ట్వీట్ వైరల్ అవుతోంది.
అడ్వెంజర్‌ థ్రిల్లర్‌ బ్యాక్‌డ్రాప్‌లో కృష్ణ తత్వం గురించి చెబుతూ తీసిన ఈ సినిమాను బాలీవుడ్ ప్రేక్షకులు బాగా ఆదరిస్తున్నారు. మొదట హిందీలో 50 స్క్రీన్లలో రిలీజ్ ఈ మూవీ.. క్రమంగా పెరుగుతూ ఇప్పుడు 3 వేలకు పైగా స్క్రీన్లలో రన్ అవుతోంది. నిఖిల్ కెరీర్‌లోనే బిగ్గెస్ట్ హిట్‌గా నిలిచింది.
