తెలంగాణ బిసీ స్టడీ సర్కిల్ ఆధ్వర్యంలో సివిల్స్ -2022 కోచింగ్ కోసం దరఖాస్తు చేసుకున్నవారు ఈనెల 11న జరిగే స్క్రీనింగ్ టెస్ట్ హాల్ టికెట్లను డౌన్ లోడ్ తీసుకోవాలని స్టడీ సర్కిల్ డైరెక్టర్ నామోజు బాలాచారి వెల్లడించారు. బిసీ స్టడీ సర్కిల్ వెబ్ సైట్ http://tsbcstudycircle.cgg.gov.in లో 3064 మంది దరఖాస్తు చేసుకున్నారని, వారందరీ హాల్ టికెట్లు అందుబాటులో ఉన్నాయని ఆయన తెలిపారు.
బిసీ స్టడీ సర్కిల్ లోని జిల్లా కేంద్రాల్లో స్క్రీనింగ్ టెస్ట్ ఈ నెల 11 న రెండు విడతలుగా ఉదయం 9 నుంచి 11 వరకు మొదటి షిఫ్ట్, మధ్యాహ్నం12 నుంచి 2 వరకు రెండో షిఫ్ట్ పరీక్ష నిర్వహిస్తామన్నారు. ఈ పరీక్ష ద్వారా ఎంపికైన అభ్యర్థులకు ఉచితంగా సివిల్స్ కోచింగ్, మెటీరియల్ అందిస్తామని ఈ అవకాశాన్ని సద్వినియోగం చేసుకోవాలని ఆయన కోరారు.
