బాలయ్య-బోయపాటి కాంబినేషన్లో తెరకెక్కుతున్న హ్యాట్రిక్ సినిమా అఖండ. ఇంతకు ముందు ‘సింహా’, ‘లెజెండ్’ చిత్రాలతో బ్లాక్బస్టర్లు కొట్టిన వీరిద్దరూ.. ఇప్పుడు మూడో సినిమాతో తమ సత్తా చూపించేందుకు సిద్ధమవుతున్నారు. ఈ మూవీ లో బాలకృష్ణ సరసన ప్రగ్యా జైస్వాల్ హీరోయిన్గా నటించింది. శ్రీకాంత్, పూర్ణ.. ప్రతినాయక ఛాయలున్న పాత్రల్లో కనిపించనున్నారు. ఇక కరోనా సెకండ్ వేవ్ తర్వాత పెద్ద సినిమా గా రాబోతుండడం తో వరల్డ్ వైడ్ గా భారీ ఎత్తున విడుదల కాబోతుంది.
యూఎస్ఏ లో సాధారణంగా మాస్ యాక్షన్ సినిమాలకు ఆదరణ తక్కువగానే ఉంటుంది. అయితే ‘అఖండ’ సినిమా ప్రీ బుకింగ్ సేల్స్ ఆశాజనకంగా జరుగుతుందటంతో బాలయ్య మూవీ ప్రీమియర్స్ తోనే మంచి కలెక్షన్స్ రాబట్టే అవకాశం ఉందని ట్రేడ్ వర్గాలు అంచనా వేస్తున్నాయి. ప్రస్తుతానికి ప్రీ సేల్స్ 150K డాలర్ల వరకు జరిగినట్లు తెలుస్తోంది. లాంగ్ వీకెండ్ కావడం వల్ల మిగిలిన మూడు రోజుల బుకింగ్స్ కూడా ఆశాజనకంగా ఉండొచ్చు.
కరోనా పాండమిక్ తర్వాత యూఎస్ లో అత్యధిక వసూళ్లు రాబట్టిన ‘లవ్ స్టొరీ’ చిత్రాన్ని ”అఖండ” చిత్రాన్ని క్రాస్ చేస్తుందని ట్రేడ్ వర్గాల అంచనా. అంతేకాదు బాలయ్య – బోయపాటి కాంబోలో వచ్చిన ‘లెజెండ్’ ప్రీమియర్స్ ను బ్రేక్ చేస్తుందని భావిస్తున్నారు.
