తెలంగాణ రైతులకు గుడ్ న్యూస్ తెలిపింది వాతావరణ శాఖ. గత నెలలో రాష్ట్ర వ్యాప్తంగా విస్తారంగా వర్షాలు పడినప్పటికీ..ఈ నెలలో మాత్రం ఎండలు దంచికొడుతున్నాయి. దీంతో రైతులు ఒక్క వర్షం పడితే బాగుండు అని కోరుకుంటున్నారు. అయితే రాగాల మూడు రోజుల్లో రాష్ట్ర వ్యాప్తంగా వర్షాలు పడే అవకాశం ఉందని వాతావరణ శాఖ తెలిపింది.
వర్షాలతో పాటుగా పిడుగులు కూడా పడే అవకాశం ఉన్నందున్న ప్రజలు అప్రమత్తంగా ఉండాలని వాతావరణశాఖ హెచ్చరించింది. హైదరాబాద్ నగరంలో కూడా తేలిక పాటి నుంచి మోస్తరు వర్షాలు కురుస్తాయని తెలిపింది. పశ్చిమ, నైరుతి గాలుల ప్రభావంతో రాష్ట్రంలో క్రమంగా ఉష్ణోగ్రతలు తగ్గుముఖం పడుతున్నాయని వాతావరణశాఖ తెలిపింది.
