అమెజాన్‌ అధినేత జెఫ్‌ బెజోస్‌ రోదసియాత్రకు రంగం సిద్ధమైంది. తన సొంత సంస్థ ‘బ్లూ ఆరిజిన్‌’కు చెందిన ‘న్యూ షెపర్డ్‌’ వ్యోమనౌకలో ఆయన మంగళవారం నింగిలోకి వెళ్ళడానికి పయనమవుతున్నారు. చంద్రుడిపై మానవుడు తొలిసారిగా కాలుమోపిన రోజును (జులై 20) ఈ చరిత్రాత్మక యాత్ర కోసం బెజోస్‌ ఎంచుకున్నారు.పశ్చిమ టెక్సాస్‌ ఎడారిలోని ఓ మారుమూల ప్రాంతంలో ఉన్న లాంచ్‌ సైట్‌ వన్‌ నుంచి మంగళవారం సాయంత్రం 6:30 గంటలకు(భారత కాలమానం ప్రకారం) న్యూ షెపర్డ్‌ వ్యోమనౌక నింగిలోకి దూసుకెళ్లనుంది.
