క్రాక్ మూవీ తో సూపర్ హిట్ అందుకున్న రవితేజ, ప్రస్తుతం పెన్ మూవీస్ ప్రొడక్షన్ బ్యానర్ పై రమేష్ వర్మ డైరెక్షన్లో ఖిలాడీ మూవీ చేస్తున్నాడు. మే 28న ప్రేక్ష‌కుల ముందుకు రానుందని ఇదివరకే ప్రకటించింది చిత్ర యూనిట్. అయితే ఇప్పుడు కోవిడ్ రెండవ దశ దేశమంతా విజృంభిస్తుంది. ఇప్పటికే చాల సినిమాలు వాయిదా పడ్డాయి, మరికొన్ని చిత్రాలు ఓటిటి బాట పట్టాయి. తాజాగా ఈ చిత్రం రిలీజ్ డేట్ వాయిదా వేస్తున్నట్లు చిత్ర బృందం ప్రకటించింది. ఇప్పట్లో థియేటర్స్ తెరుచుకునే పరిస్థితి లేకపోవడంతో ఈ చిత్రాన్ని ఓటిటి లో రిలీజ్ చేస్తున్నట్లు వార్తలు వచ్చాయి, ఈ విషయంపై తాజాగా నిర్మాత ఈ చిత్రాన్ని కచ్చితంగా థియేటర్ లోనే రిలీజ్ చేస్తామని క్లారిటీ ఇచ్చారు. పరిస్థితులు చక్కబడ్డాక కొత్త రిలీజ్ డేట్ ప్రకటిస్తామని తెలిపారు.
ఈ చిత్రంలో రవితేజ ద్విపాత్రాభిన‌యం చేస్తుండగా… మీనాక్షి చౌదరి, డింపుల్ హయతి లు హీరోయిన్లు గా నటిస్తున్నారు. అర్జున్ సర్జ, ఉన్ని ముకుందన్ లు కీలక పాత్రలు చేస్తున్నారు. దేవిశ్రీ ప్రసాద్‌ సంగీతం అందిస్తున్నారు. ఈ సినిమా ర‌వితేజ‌కు మంచి హిట్ అందించ‌డం ఖాయం అని అంటున్నారు మేక‌ర్స్.
