అత్యధిక టి 20 విజయాలు సాధించిన కెప్టెన్ గా భారత మాజీ కెప్టెన్ ఎంఎస్ ధోని పేరు ఇప్పటివరకు అగ్రస్థానంలో ఉంది. 72 టి20 మ్యాచ్లలో 41 విజయాలు మరియు 2007 వరల్డ్ టి 20 టైటిల్‌ సాధించి పొట్టి ఫార్మటు ఆటలో తిరుగులేని నాయకుడిగా నిరూపించుకున్నాడు. అయితే ఇప్పుడు ఈ రికార్డుని ఆఫ్ఘనిస్తాన్ కెప్టెన్ అస్గర్ ఆఫ్ఘన్ సమం చేసాడు.
శుక్రవారం ఆఫ్ఘనిస్తాన్ మరియు జింబాబ్వే మధ్య జరిగిన 2 వ టి 20 మ్యాచ్లో, ఆఫ్ఘనిస్తాన్ తమ ప్రత్యర్థి జింబాబ్వేపై 45 పరుగుల తేడాతో విజయం సొంతం చేసుకుంది. తద్వారా, అస్గర్ తన 41 వ మ్యాచ్‌ను జాతీయ జట్టు కెప్టెన్‌గా గెలుచుకున్నాడు, దీంతో 51 టి20 మ్యాచ్‌ల్లో 41 విజయాలు సాధించిన కెప్టెన్ గా ధోని రికార్డు ని సమం చేసాడు.
