టాలీవుడ్ లో హీరోయిన్ల కొరత వుంది. ముఖ్యంగా బడా హీరోలకు. ఐతే పూజా హెగ్డే. లేదా రష్మిక మందన. ఇదే వరస. మరో ఆప్షన్ అంటే అంతా సినియర్లు అయిపోయారు. కొత్త మొహం కావాలంటే మళ్ళీ బాలీవుడ్ కి పరిగెత్తాలి. ఇప్పుడు రామ్ చరణ్ కోసం హీరోయిన్ అన్వేషణ సాగుతుంది. రామ్ చరణ్, శంకర్ కలయికలో ఓ సినిమా రానున్న సంగతి తెలిసిందే. ఈ సినిమా కోసం అప్పుడే ప్రీ ప్రొడక్షన్ పనులు మొదలయ్యాయి.
ఈ సినిమా కోసం హీరోయిన్ గా మొదట పూజా హెగ్డే, రష్మిక లో ఒకరు అనుకున్నారు. కానీ ఇద్దరి డేట్స్ లేవు. హీరోయిన్ కోసం వెయిట్ చేసే పరిస్థితిలో శంకర్ లేరు. అందుకే మరో ఆప్షన్ గా కియారా అద్వాని ని అనుకుంటున్నారు. ఐతే కియారాతో చిన్న ఫ్లాఫ్ సెంటిమెంట్ వుంది. ఆమె చరణ్ తో చేసిన వినయ విదేయ రామ అట్టర్ ఫ్లాఫ్. మళ్ళీ ఆ ఫ్లాఫ్ సెంటిమెంట్ ని ఎందుకు రిలిట్ చేయాలనే ఆలోచన యూనిట్ లో వుంది. మరి చూడాలి ఎవరు ఫైనల్ అవుతారో..
