అక్కినేని నాగచైతన్య కొత్తగా ‘థ్యాంక్ యు’ అనే సినిమాలో నటిస్తున్న సంగతి తెలిసిందే. ఈ సినిమాలో చైతూ మహేష్ బాబుకు వీరాభిమానిగా నటిస్తున్నాడు. టీనేజీలో ఉన్నపుడు మహేష్ అంటే వీర అభిమానిగా ఉంటుందట చైతు క్యారెక్టర్.
ఇప్పటికే చైతూ మీసం గడ్డం తీసేసి, చిన్న కుర్రాడిలా మారిన లుక్ ఈ సినిమా నుంచి బయటికి వచ్చిన సంగతి తెలిసిందే. మహేష్ బాబుకు సూపర్ స్టార్ ఇమేజ్ తెచ్చిపెట్టిన ‘ఒక్కడు’ సినిమా రిలీజ్ టైంలో మహేష్ అభిమానిగా చైతూ చేసిన సందడిని ఈ సినిమాలో చూపిస్తున్నారు. ఒక థియేటర్ ముందు మహేష్ బాబు భారీ కటౌట్ పెట్టి.. దాన్ని చైతూనే ఆవిష్కరించే సన్నివేశం తీసింది ‘థ్యాంక్ యు’ టీం ఇటివలే షూట్ చేసింది
ఇదంతా చూస్తుంటే రవితేజ ఇడియట్ సినిమా గుర్తుకువస్తుంది. ఇడియట్ లో రవితేజ చిరంజీవికి ఫ్యాన్ గా కనిపిస్తాడు. ఒక థియేటర్ సీన్ కూడా వుంటుంది. ఇంద్ర కటౌట్ నేపధ్యంలో సాగే ఈ సీన్ తర్వాత పోలీస్ స్టేషన్ కి షిఫ్ట్ అయి నవ్వులు పూయిస్తుంది. ఇప్పుడు చైతు కూడా రీల్ లైఫ్ లో ఒక హీరోకి అభిమానిగా కనిపించడం ఫ్యాన్స్ ని థ్రిల్ చేసే విషయమే. మరి ఇడియట్ సెంటిమెంట్ ఈ సినిమాకి కూడా కలిసివస్తే చైతుకి కావాల్సింది అంతకంటే ఏముంది.
