తెలుగు ప్రేక్షకులని ఒక్క సినిమాతో ‘ఫిదా’చేసేసింది సాయి పల్లవి. ఆమెను చూసి జనాలు ఫిదా అయిపోయారు. ముఖ్యంగా త‌న న‌ట‌న.. డాన్స్. `వచ్చాడే..` పాటైతే హోరెత్తిపోయింది. అందులో సాయి పల్లవి చేసిన మూమెంట్స్ ఇప్ప‌టికీ గుర్తు చేసుకుంటూనే ఉన్నారు. ఆ పాట ఇంపాక్ట్ ఆ సినిమాపైచాలా ఉంది. ఇప్పుడు శేఖర్ క‌మ్ముల మరో సినిమా చేస్తున్నాడు. అదే `ల‌వ్ స్టోరీ`. సాయి ప‌ల్ల‌వినే హీరోయిన్‌. ఈ సినిమా కోసం పాట డిజైన్ చేశాడు శేఖర్ క‌మ్ముల.
`సారంగ ద‌రియా` అంటూ తెలంగాణ స్లాంగ్ లో సాగిన మంచి డాన్సింగ్ బీట్ ఇది. `వచ్చాడే..` పాట రాసిన… సుద్దాల అశోక్ తేజ‌నే ఈ పాట రాశారు. ఆయ‌న ప‌దాల మ‌హ‌త్తు, మంగ్లీ పాడిన విధానం, ముఖ్యంగా.. సాయి పల్లవి చేసిన డాన్స్ మూమెంట్స్.. ఇవ‌న్నీ క‌లిసి ఈ పాట‌ని మరో స్థాయికి తీసుకెళ్లాయి. మేకింగ్ వీడియోలోనే.. సాయి పల్లవి చేసిన కొన్ని డాన్స్ మూమెంట్స్ చూస్తే.. వారెవా అనిపిస్తోంది.
ఇప్పటికే మిలియన్ వ్యూస్ సొంతం చేసుకుంది. ఇక ఈ వీడియో చూసిన నెటిజన్స్ పూర్తి వీడియో చూడడానికి ఆగలేకపోతున్నామని కామెంట్స్ చేసున్నారు. ముందు సాయి పల్లవి వీడియో ని రిలీజ్ చేయాల్సిందిగా రిక్వెస్ట్ లు పెడుతున్నారు. మొత్తానికి బానుమతి మళ్ళీ ఇరగదీసింది.
