`ఉప్పెన` నుంచి .. నీ క‌న్ను నీలి స‌ముద్రం.. పాట టీజర్ తో – కృతి శెట్టి ఒక్కసారిగా టాక్ ఆఫ్ ది టౌన్ అయిపోయింది. సినిమా బ‌య‌ట‌కు రాకుండానే కొత్త ఆఫ‌ర్లు చేతికందాయి. ఇప్పుడు కృతి డేట్లు, టాలీవుడ్ లో హాట్ కేకులు. తాజాగా కృతి పారితోషికం అర‌కోటికి చేరింద‌ని టాక్.
అయితే.. `ఉప్పెన`కు కృతికి అందిన పారితోషికంకేవ‌లం ఆరు ల‌క్షలు. మంచి బ్యానర్ అని కృతి కూడా పెద్దగా డిమాండ్ చేయ‌కుండా.. ఆఫర్ రావడమే ఒప్పుకుంది.
ఐతే ఈ సినిమాతోనే… కృతి పాపుల‌ర్ అయిపోయింది. కాగా ముంద‌స్తు జాగ్రత్తగా కృతితో మరో రెండు సినిమాల‌కు అగ్రిమెంట్లు చేయించుకున్నారు మైత్రీ నిర్మాతలు. ఐతే ఇప్పుడు ఆమెకు వున్న క్రేజ్ రిత్యా రేమ్యునిరేషన్ ఇస్తారా ? లేదా ముందు అనుకున్న రేమ్యునిరేషన్ మాత్రమే ముట్టజెబుతార ? అన్నది తెలియాల్సి వుంది.
మొత్తాని కృతి శెట్టి ఉప్పెన తో ఓవర్ నైట్ స్టార్ అయిపోందనే చెప్పాలి. ప్రేమమ్ చూసి సాయి పల్లవికి ఎలా ఫ్యాన్స్ అయిపోయారో, ఆమె ఎలా క్రేజీ స్టార్ అయిపోయిందో అదే జాబితాలో కృతి శెట్టి కూడా చేరే అవకాశాలు ప్రస్తుతానికి ఐతే పుష్కలంగా కనిపిస్తున్నాయి.
