ఐసీసీ తాజా టెస్టు ర్యాంకింగులు విడుదలయ్యాయి. బ్యాట్స్ మెన్ ర్యాంకింగుల్లో ఇండయా ఆటగాళ్లు ముగ్గురు స్థానం సంపాదించారు. టీమిండియా కెప్టెన్ విరాట్ కోహ్లీ మరో స్థానం దిగజారాడు. మూడో స్థానంలో ఉన్న ఆస్ట్రేలియా బ్యాట్స్ మెన్ స్టీవ్ స్మీత్ రెండో స్థానానికి ఎగబాకాడు. దీంతో, కోహ్లీ మూడో స్థానానికి పడిపోయాడు. తొలి స్థానంలో న్యూజిలాండ్ కెప్టెన్ కేన్ విలియంసన్ కొనసాగుతున్నాడు.
తన భార్య అనుష్క శర్మ డెలివరీ కోసం విరాట్ కోహ్లీ లీవ్ తీసుకున్న సంగతి తెలిసిందే. తొలి టెస్టు ఆడిన కోహ్లీ భార్య డెలివరీ సమయంలో పక్కనే ఉండాలనే కోరికతో ఇండియాకు తిరిగొచ్చాడు. ఆ తర్వాత జరిగిన రెండు టెస్టులకు దూరమయ్యాడు. ఈ ర్యాంకింగుల్లో అజింక్య రహానే ఏడో స్థానంలో, చటేశ్వర్ పుజారా ఎనిమిదో స్థానంలో ఉన్నారు.
