మలయాళ సూపర్‌హిట్‌ చిత్రం ‘అయ్యప్పనుమ్‌ కోషియుమ్‌’ను తెలుగులో రీమేక్‌ చేస్తున్న సంగతి తెలిసిందే. సాగర్‌ కె.చంద్ర దర్శకుడు. మలయాళంలో బిజుమేనన్‌, పృథ్వీరాజ్‌లు పోషించి పాత్రలను తెలుగులో పవన్‌కల్యాణ్‌, రానా పోషిస్తున్నారు. కాగ ఈ సినిమా ఐశ్వర్యరాజేశ్‌, సాయిపల్లవి పేర్లు హీరోయిన్స్ గా వినిపిస్తున్నాయి. పవన్‌కు జోడీగా ఐశ్వర్య, రానా సరసన సాయి పల్లవిని ఎంపిక చేసినట్లు సమాచారం.
అయితే ఈ సినిమాలో ప్ర‌ధాన పాత్ర పోషిస్తున్న పవన్ తాజాగా పంచె కట్టులో మెరిసారు. కార్ వ్యాన్ నుండి పంచె ధరించి వ‌స్తున్న పవన్ ఫొటోలు ప్ర‌స్తుతం సోష‌ల్ మీడియాలో హ‌ల్ చ‌ల్ చేస్తున్నాయి. ఈ లుక్‌లో ప‌వ‌న్‌ని చూసిన అభిమానులు తెగ మెరిసిపోతున్నారు.
