తెలంగాణ రాష్ట్రంలో మొన్నటి వరకు కరోనా కేసులు తగ్గుముఖం పట్టడం తో అంత సంతోషం వ్యక్తం చేసారు. కానీ ఇప్పుడు చలి తీవ్రత పెరగడం తో కరోనా మహమ్మారి తన పంజా మళ్లీ చూపిస్తుంది. దీంతో రాష్ట్రంలో మళ్లీ కరోనా కేసులు పెరగడం స్టార్ట్ అయ్యాయి.
తెలంగాణ వైద్య ఆరోగ్యశాఖ విడుదల చేసిన తాజా కరోనా బులెటిన్ ప్రకారం… గత 24 గంటల్లో రాష్ట్రవ్యాప్తంగా కొత్తగా 415 కరోనా కేసులు నమోదయ్యాయి. దీంతో తెలంగాణలో ఇప్పటి వరకు మొత్తం 2,86,354 కేసులు నమోదు కాగా, ఇందులో 2,78,839 మంది కోలుకొని డిశ్చార్జ్ అయ్యారు. 5,974 కేసులు యాక్టివ్ గా ఉన్నాయి. తాజా బులెటిన్ ప్రకారం తెలంగాణలో కరోనాతో ముగ్గురు మృతి చెందారు. దీంతో ఇప్పటి వరకు నమోదైన మొత్తం కరోనా మరణాల సంఖ్య 1541కి చేరింది. మరోపక్క కొత్త స్ట్రైన్ కేసులు నమోదు అవుతుండడం తో రాష్ట్ర ప్రభుత్వం అలర్ట్ చేసింది.
