దేశంలో కరోనా ఉదృతి తగ్గిందనుకునే లోపు మరో కొత్త రకం వైరస్ ప్రజలను భయానికి గురి చేస్తుంది. ప్రస్తుతం ఆ కొత్త రకం వైరస్ ను కట్టడి చేసేందుకు ప్రయత్నాలు మొదలుపెట్టారు. ఇక తెలంగాణ లో కరోనా విషయానికి వస్తే..మునపటి కంటే భారీగా తగ్గినప్పటికీ పూర్తిస్థాయి లో మాత్రం కంట్రోల్ లోకి రాలేదు. ప్రతి రోజు వందల సంఖ్య లో కొత్త కేసులు నమోదు అవుతూనే ఉన్నాయి.
తాజాగా ఆరోగ్య శాఖ రిలీజ్ చేసిన బులిటిన్ ప్రకారం..తెలంగాణలో కొత్తగా 574 కరోనా కేసులు నమోదయ్యాయి. దీంతో తెలంగాణలో ఇప్పటి వరకు నమోదైన మొత్తం కరోనా కేసుల సంఖ్య 2,83,556కి చేరింది. ఇందులో 2,75,217 మంది కోలుకొని డిశ్చార్జ్ కాగా, 6,815 కేసులు యాక్టివ్ గా ఉన్నాయి. ఇక తెలంగాణలో కరోనాతో ఇద్దరు మృతి చెందారు. దీంతో రాష్ట్రంలో మొత్తం కరోనాతో 1524మంది మృతి చెందారు.
