తెలంగాణ రాష్ట్రంలో కరోనా ఉదృతి భారీగా తగ్గిందని చెప్పడానికి తాజాగా నమోదు అవుతున్న కేసులే చెపుతున్నాయి. గతంలో రోజుకు వేలసంఖ్య లో కేసులు నమోదు అవుతూ వచ్చేవి..కానీ ఇప్పుడు మాత్రం వందల సంఖ్యలోకి వచ్చి అందర్నీ సంబరాలకు గురి చేస్తున్నాయి. తాజాగా గురువారం నాటి కరోనా కేసులకు సంబంధించిన హెల్త్ బులెటిన్‌ విడుదల చేశారు. గురువారం మొత్తం 551 కరోనా కొత్త కేసులు నమోదైనట్లుగా అందులో పేర్కొన్నారు.
దీంతో రాష్ట్రంలో మొత్తం కరోనా కేసుల సంఖ్య 2,80,195 కు చేరింది. ఇక ప్రస్తుతం రాష్ట్రంలో యాక్టివ్ కేసులు 7,040గా ఉన్నాయి. వీరిలో 4,955 మంది హోం ఐసోలేషన్‌లో చికిత్స పొందుతున్నారు. గత 24 గంటల్లో 682 మంది కోలుకొని డిశ్చార్జి అయ్యారు. ఇక గురువారం మరొకరు కరోనాకు బలి కాగా, మొత్తం చనిపోయిన వారి సంఖ్య 1506కి చేరింది.
