గ్రేటర్ ఫలితాలు వచ్చేస్తున్నాయి..మొదటి ఫలితం వచ్చేసింది. మెహదీపట్నంలో ఎంఐఎం పార్టీ బోణి కొట్టింది. ఉదయం 8గంటలకు కౌంటింగ్ ప్రారంభం కాగా..తొలుత పోస్టల్‌ ఓట్ల ఫలితాలు వెలువడ్డాయి. ఇక గ్రేటర్ మున్సిపల్ కార్పొరేషన్ ఎన్నికలల్లో తోలి ఫలితం వచ్చేసింది. అత్యంత తక్కువగా ఓట్లు పోలైన మెహిదీపట్నంలో మొదటి రౌండ్‌లోనే ఫలితం వెలువడింది. ఎంఐఎం అభ్యర్థి విజయం సాధించారు.
తొలిరౌండ్‌లో 23 డివిజన్లలో కౌంటింగ్ పూర్తయ్యింది. ఇందులో టీఆర్ఎస్ ఆధిక్యం కనబర్చింది. నగరంలో ఆర్సీపురంలో , పటాన్ చెరువు డివిజన్లు, చందా నగర్, హఫీజ్ పేట, హైదర్ నగర్, జూబ్లి హీల్స్, ఖైరతాబాద్, బాలానగర్, ఓల్డ్ బోయినపల్లి, చర్లపల్లి, కాప్రా, మీర్ పేట్, శేరిలింగంపల్లి, గాజులరామారం, రంగారెడ్డి నగర్‌లో టీఆర్ఎస్ ఆధిక్యంలో కొనసాగింది. 12 చోట్ల మాత్రం బీజేపీ ఆధిక్యం కనబర్చింది.
