తెలంగాణ రాష్ట్రంలో కరోనా కేసులు మళ్లీ పెరుగుతున్నాయి. గత వారం క్రితం వరకు కేసుల సంఖ్య భారీగా తగ్గగా..మళ్లీ ఇప్పుడు పెరగడం స్టార్ట్ అయ్యాయి. గడిచిన 24 గంటలో రాష్ట్రంలో కొత్తగా 993 కరోనా కేసులు నమోదయ్యాయి. అలాగే కరోనాతో నలుగురు మృతి చెందారు.
దీంతో ఇప్పటి వరకు నమోదైన మొత్తం కరోనా కేసుల సంఖ్య 2,66,042కి చేరుకోగా.. ఇందులో 2,53,715 మంది కోలుకొని డిశ్చార్జ్ కాగా, 10,886 కేసులు యాక్టివ్ గా ఉన్నాయి. తెలంగాణలో ఇప్పటి వరకు నమోదైన మొత్తం మరణాల సంఖ్య 1441కి చేరింది. ఎప్పటిలాగే జీహెచ్ఎంసీ పరిధిలో అత్యధికంగా 161 పాజిటివ్ కేసులు నమోదయ్యాయి. తెలంగాణలో రికవరీ రేటు 95.36% శాతంగా ఉంది. ఇండియా రికవరీ రేటు 93.7% శాతంగా ఉంది. తెలంగాణలో మరణాలు 0.54%గా ఉన్నాయి.
