తెలంగాణ రాష్ట్రంలో కరోనా ఉదృతి కొనసాగుతూనే ఉంది. ప్రతి రోజు మాదిరిగానే ఈరోజు ప్రకటించిన హెల్త్ బులిటిన్ లో గడిచిన 24 గంటల్లో 2,214 కొత్త కేసులు నమోదు అయినట్లు తెలిపారు. ఈ కేసులతో కలిపి ఇప్పటి వరకు నమోదైన కరోనా కేసుల సంఖ్య 1,93,600కి చేరింది.
ఇందులో 1,63,407 మంది కోలుకొని డిశ్చార్జ్ కాగా, 29,058 కేసులు యాక్టివ్ గా ఉన్నాయి. ఇక గడిచిన 24 గంటల్లో తెలంగాణలో కరోనాతో 8 మంది మృతి చెందారు. దీంతో తెలంగాణలో నమోదైన మొత్తం మరణాల సంఖ్య 1135కి చేరింది. ఈ 24 గంటల్లో ఎక్కువ కేసులు భద్రాద్రి కొత్తగూడెం లో 99, జీహెచ్ఎంసిలో 305, కరీంనగర్ లో 106, మేడ్చల్ లో 153, నల్గొండలో 149, రంగారెడ్డిలో 191, వరంగల్ అర్బన్ లో 131 కేసులు నమోదయ్యాయి.
