కరోనా సమయంలో దాతృత్వం చాటుకుని ‘రియల్‌ హీరో’ అనిపించుకున్నాడు సోనూసూద్‌. ఈ నేపథ్యంలో నెటిజన్లు ఆయన్ను ఆరాధిస్తున్నారు. కరోనా వల్ల ఇన్నాళ్లూ షూటింగ్‌లకు దూరంగా ఉన్న ఆయన తిరిగి చిత్రీకరణలో పాల్గొన్నారు.
బెల్లంకొండ శ్రీనివాస్‌ కథానాయకుడిగా నటిస్తున్న సినిమా ‘అల్లుడు అదుర్స్‌’. సంతోష్‌ శ్రీనివాస్‌ దర్శకుడు. నభా నటేష్‌ కథానాయిక పాత్ర పోషిస్తున్నారు. ప్రకాశ్‌రాజ్‌, సోనూ సూద్‌ కీలక పాత్రల్లో నటిస్తున్నారు. ఈ చిత్రం కోసం సోమవారం సోనూ ముంబయి నుంచి హైదరాబాద్‌ వచ్చారు.
ఆయన సెట్‌లోకి అడుగుపెట్టగానే ప్రకాశ్‌రాజ్‌ ఘన స్వాగతం పలికారు. కరోనా కష్టకాలంలో నలుగురికి ఆపన్న హస్తం అందించినందుకు సన్మానం చేశారు. ఈ సందర్భంగా తీసిన ఫొటోలు, వీడియోల్ని చిత్ర బృందం పంచుకుంది.
