ఆంధ్రప్రదేశ్ మాజీ ముఖ్యమంత్రి , తెలుగుదేశం అధినేత చంద్రబాబు పెను ప్రమాదం నుండి క్షేమంగా బయటపడ్డారు. విజయవాడ నుంచి హైదరాబాద్ వెళ్తుండగా చౌటుప్పల్ మండలం దండుమల్కాపురం వద్ద ఆవు అడ్డురావడంతో ఎస్కార్ట్ వాహనం డ్రైవర్ సడన్ బ్రేక్ వేశాడు. దీనితో చంద్రబాబు కాన్వాయ్‌లోని రెండు వాహనాలు ఒకదానిని మరొకటి ఢీకొన్నాయి.
బుల్లెట్ ప్రూఫ్ వాహనం ఒక్కసారిగా కాన్వాయ్‌లోని ముందు ఉన్న ఎస్కార్ట్ వాహనాన్ని ఢీ కొట్టింది. ఆ తర్వాతి వాహనంలోనే చంద్రబాబు ఉన్నారు. బాబు క్షేమంగానే ఉన్నారు. ఈ ఘటనలో వాహనం ముందు భాగం దెబ్బతిన్నది. స్వల్పగాయాలతో మరో వాహనంలో భద్రతా సిబ్బంది వెళ్లింది. ఈ ప్రమాద ఘటన తెలుసుకొని తెలుగుదేశం నేతలు , కార్య కర్తలు ఖంగారు పడ్డారు. కానీ బాబు క్షేమంగా బయటపడంతో అంత ఊపిరి పీల్చుకున్నారు.
