దర్శక ధీరుడు రాజమౌళి ప్రస్తుతం ఆర్ఆర్ఆర్ సినిమా చేస్తున్న సంగతి తెలిసిందే. ఎన్టీఆర్ , రామ్ చరణ్ హీరోలుగా నటిస్తుండగా ..బాలీవుడ్ భామ అలియా , అజయ్ దేవగన్ తో పాటు కోలీవుడ్ నటుడు సముద్రఖని , హాలీవుడ్ ప్రముఖ నటి నటులు నటిస్తుండడం తో వరల్డ్ వైడ్ గా ఈ మూవీ ఫై ఆసక్తి నెలకొని ఉంది. చరణ్ ‘మన్నెం దొర అల్లూరి సీతారామరాజు’గా కనిపిస్తుండగా తారక్ ‘కొమరం భీమ్’ పాత్రలో నటిస్తున్న సంగతి తెలిసిందే.
పాన్ ఇండియా లెవెల్లో రూపొందుతున్న ఈ చిత్రాన్ని భారీ బడ్జెట్ తో ప్రొడ్యూసర్ డీవీవీ దానయ్య ప్రతిష్టాత్మకంగా నిర్మిస్తున్నారు. అయితే ఇప్పుడు ఈ సినిమా నుండి అలియా ను తప్పించబోతున్నారనే వార్తలు బి టౌన్ లో చక్కర్లు కొడుతున్నాయి.
ఇటీవలే సుశాంత్ మరణం ఘటన చాలా దుమారం రేపింది. దీనితో బాలీవుడ్ వర్గాల్లో ఆడియన్స్ ఆలియా భట్ సినిమాలపై పెద్ద ఎత్తున మండిపడుతున్నారు. ఇప్పుడు ఆ ఎఫెక్ట్ RRR పై పడింది అని పెద్ద ఎత్తున వినిపిస్తుంది. అలాగే మరోపక్క ఆలియా ను రీప్లేస్ చేస్తూ ప్రియాంకా చోప్రా నటించనుంది అని మరిన్ని వార్తలు చక్కర్లు కొడుతున్నాయి. మరి ఈ వార్తల్లో ఎంత నిజం అనేది చూడాలి.
