రానా- మిహికా ల వివాహం రామానాయుడు స్టూడియో అట్టహాసం గా జరిగిన సంగతి తెలిసిందే. పెళ్లి తర్వాత ఆ తాలూకా పిక్స్ సైతం సోషల్ మీడియా లో హడావిడి చేస్తున్నాయి. ఈ వివాహానికి హాజరు కాని వారి కోసం మాత్రం ప్రత్యేకంగా సిద్ధం చేసిన వర్చువల్ రియాలిటీ కిట్ ద్వారా చూసే విధంగా ప్లాన్ చెయ్యడం కాస్త వినూత్నంగా అనిపించింది.
అయితే ఇప్పుడు రానా వివాహం అనంతరం సురేష్ బాబు మరికొంత మంది ప్రముఖ సినీ పెద్దలకు ప్రత్యేకంగా ఒక గిఫ్ట్ ను తయారు చేయించి పంపుతున్నారట. దానితో పాటు స్పెషల్ నోట్ తో రానా మరియు మిహికాల యువ జంటను ఆశీర్వదించామని దగ్గుబాటి సురేష్ బాబు మరియు లక్ష్మి గార్లు సతీసమేతంగా కోరుతున్నారు. ఇప్పటికే పలువురికి ఈ గిఫ్ట్ లు వెళ్లాయట.
