సుబ్రహ్మణ్యపురం చిత్రం తో హిట్ అందుకున్న సుమంత్..త్వరలో కొత్త సినిమాతో ప్రేక్షకుల ముందుకు రాబోతున్న సంగతి తెలిసిందే. ఈ చిత్రాన్ని ప్రదీప్ కృష్ణమూర్తి తెరకెక్కిస్తుండగా, క్రియేటివ్ ఎంటర్టైనర్స్ పతాకంపై ధనంజయన్ నిర్మిస్తున్నారు. కాగా ఈ చిత్రానికి కపటధారి అనే టైటిల్ ఫిక్స్ చేసారు.
కన్నడలో ఈ చిత్రాన్ని పవర్‌స్టార్ పునీత్ రాజ్‌కుమార్ నిర్మించారు. కన్నడలో చాలా పెద్ద హిట్ అయ్యింది. డిఫ‌రెంట్ కాన్సెప్ట్‌తో రూపొందిన ఈ ఎమోష‌న‌ల్ థ్రిల్ల‌ర్‌ను తెలుగు, త‌మిళ భాష‌ల్లో.. క్రియేటివ్ ఎంటర్టైనర్స్ బ్యాన‌ర్‌పై డా.జి.ధనంజయన్ రీమేక్ చేయ‌బోతున్నారు సుమంత్, నందిత జంటగా నటిస్తుండగా.. పూజాకుమార్‌, నాజ‌ర్‌, జ‌య‌ప్ర‌కాశ్‌, వెన్నెల కిశోర్ కీలక పాత్ర‌లు పోషిస్తున్నారు. ఈ చిత్రం తాలూకా మోషన్ పోస్టర్ , ఫస్ట్ లుక్ ను సోమవారం రిలీజ్ చేసారు.
ఫ‌స్ట్‌లుక్ చూస్తే సుమంత్ లుక్ చాలా ఇన్‌టెన్స్‌గా క‌నిపిస్తుంది. ఆయ‌న ట్రాఫిక్ పోలీస్ గెట‌ప్‌లో క‌న‌ప‌డుతున్నారు. ఆర్టిక‌ల్ 352 అని కూడా పోస్ట‌ర్‌లో కనిపిస్తోంది. అంటే ఈ ఆర్టిక‌ల్ 352 దేని గురించి చెబుతుంద‌నేది ఆస‌క్తిక‌రంగా మారింది. ప్ర‌స్తుతం సినిమా చిత్రీక‌ర‌ణ పూర్త‌య్యింద‌ని, నిర్మాణానంత‌ర కార్య‌క్ర‌మాలు జ‌రుగుతున్నాయని నిర్మాత‌లు తెలిపారు.
