కరోనా మహమ్మారి చిత్రసీమ ప్రముఖులను నిద్ర లేకుండా చేస్తుంది. ప్రతి రోజు ఎవరికో ఒకరికి ఈ కరోనా సోకుతుంది. ఇప్పటికే పలువురికి కరోనా సోకగా వారిలో ఎస్పీ బాలసుబ్రమణ్యం కూడా ఉన్నారు.
ప్రస్తుతం ఈయన ఆరోగ్యం సీరియస్ గా ఉందని వైద్యులు చెపుతున్నారు. ఎస్పీ బాలుకు వైద్యులు వెంటిలేటర్‌పై చికిత్స అందిస్తున్నారు. అయితే బాలు ఈ మహమ్మారి నుండి క్షేమంగా బయటపడాలని అంత కోరుకుంటున్నారు. టాలీవుడ్‌ సుపర్‌స్టార్‌ మహేశ్‌బాబు కూడా ఎస్పీ బాలసుబ్రహ్మణ్యం త్వరగా కోలుకోవాలని ప్రార్థిస్తున్నట్లు తెలిపారు. ‘మేము మీకోసం ప్రార్థిస్తున్నాం సార్‌.. మీరు త్వరగా కోలుకోవాలి. ఈ కఠినమైన సమయంలో మీ కుటుంబానికి మా ప్రార్థనలు బలాన్ని చేకూర్చాలి’అని ఆయన ట్వీట్‌ చేశారు.
మరోపక్క బాలసుబ్రహ్మణ్యం ఆరోగ్యం కోసం కేరళలోని ప్రసిద్ధ శబరిమలలోని అయ్యప్ప ఆలయంలో శుక్రవారం ప్రత్యేక పూజలు నిర్వహించారు. బాలసుబ్రహ్మణ్యం త్వరగా కోలుకోవాలని ఆశిస్తూ దేవస్థానం బోర్డుకు చెందిన కళాకారులు సంగీత ప్రార్థనలు నిర్వహించారు.
Praying for you sir ??? Get well soon #SPBalasubrahmanyam garu. Strength and prayers with the family during this tough time.— Mahesh Babu (@urstrulyMahesh) August 21, 2020
