సంచలన డైరెక్టర్ రామ్ గోపాల్ వర్మ ఫై ఓ రేంజ్ లో సినిమాలు తెరకెక్కుతున్నాయి. ఇప్పటికే ‘పరాన్నజీవి’ అనే చిత్రం విడుదల కాగా.. గేయ రచయిత జొన్నవిత్తుల ‘ఆర్జీవీ’ (రోజూ గిల్లే వాడు) అనే సినిమాను తెరకెక్కిస్తున్నాడు. ఇవే కాక ‘రాడ్ గోపాల్ వర్మ’ అంటూ మరో దర్శకుడు కె.ఎస్.మణి వర్మ పైత్యంపై సినిమా తెరకెక్కిస్తున్నాడు.
ప్రముఖ సినీ జర్నలిస్ట్ ప్రభు సైతం వర్మపై సినిమాను రూపొందిస్తున్నారు. ‘రాంగ్ గోపాల్ వర్మ’ అనే టైటిల్‌తో శుక్రవారం నాడు టైటిలో లోగా పోస్టర్‌ను విడుదల చేశారు. ప్రముఖ హాస్య కథానాయకుడు షకలక శంకర్ టైటిల్ పాత్ర పోషిస్తున్న ఈ చిత్రం టైటిల్ లోగోను సోషల్ యాక్టివిస్ట్ దేవి విడుదల చేసారు.
