మహానటి చిత్రంతో దేశ వ్యాప్తంగా గుర్తింపు తెచ్చుకున్న కీర్తి సురేష్..రీసెంట్ గా పెగ్విన్ చిత్రంతో ఓటిటి ప్రేక్షకులను అలరించింది. ఈ సినిమా లో కీర్తి ఎంతో అద్భుతంగా నటించి అందర్నీ చేత శభాష్ అనిపించుకుంది.
ప్రస్తుతం నగేష్‌ కుకునూర్ డైరెక్షన్లో గుడ్ లక్ సఖి చిత్రం నటిస్తుంది. ఒక పల్లెటూరు నుంచి వచ్చిన అమ్మాయి.. దేశం గర్వించే షూటర్‌గా ఎలా తయారైందన్న అంశంతో ఈ చిత్రం రూపుదిద్దుకుంది. స్వాతంత్ర్య దినోత్స‌వం సంద‌ర్భంగా ఈ సినిమా నుంచి విడుద‌లైన టీజర్ విశేషంగా ఆకర్షించింది. టీజర్ ఆకట్టుకోవడం తో ప్రైమ్ వీడియో వారు ఈ చిత్రానికి మంచి ధర ఇచ్చినట్టు టాక్ వినిపిస్తుంది. ఈ చిత్రానికి వారు 13 కోట్లకు పైగానే ఆఫర్ ఇచ్చినట్టు తెలుస్తుంది. అలాగే ఈ చిత్రం కూడా నేరుగా ఓటిటి లోనే విడుదలయ్యే సూచనలు ఉన్నట్టు కూడా ఇప్పుడు సమాచారం.
ఈ సినిమాలో కీర్తిని ప్రేమించే అబ్బాయి పాత్ర‌లో ఆది పినిశెట్టి, ఆమెకు శిక్ష‌ణ‌నిచ్చే కోచ్ పాత్ర‌లో జ‌గ‌ప‌తి బాబు న‌టిస్తున్నారు. ఓ చిన్న షెడ్యూల్ మిన‌హా సినిమా మొత్తం పూర్త‌యింది. తెలుగు, త‌మిళ, మ‌ల‌యాళ భాష‌ల్లో తెర‌కెక్కుతున్న ఈ చిత్రం నిర్మాణానంతర కార్య‌క్ర‌మాలు ముగింపు ద‌శ‌లో ఉన్నాయి. నాగేశ్ కుకునూర్ ద‌ర్శ‌క‌త్వం వ‌హి‌స్తుండ‌గా రాక్‌స్టార్ దేవీశ్రీ ప్ర‌సాద్ సంగీతం అందిస్తున్నారు. ‘దిల్‌’రాజు సమర్పిస్తున్న ఈ చిత్రాన్ని వర్త్‌ ఏ షాట్‌ మోషన్‌ ఆర్ట్స్‌ బ్యానర్‌పై సుధీర్‌చంద్ర పాదిరి నిర్మిస్తున్నారు
