ప్రభాస్ ప్రస్తుతం జిల్ ఫేమ్ రాధాకృష్ణ డైరెక్షన్లో రాధే శ్యామ్ మూవీ చేస్తున్న సంగతి తెలిసిందే. ఈ మూవీ సెట్స్ ఫై ఉండగానే మహానటి ఫేమ్ నాగ్ అశ్విన్ డైరెక్షన్లో ఓ మూవీ చేసేందుకు గ్రీన్ సిగ్నల్ ఇచ్చాడు.ఈ మూవీ లో ప్రభాస్ సరసన దీపికా పదుకునే హీరోయిన్ గా నటిస్తుంది.
ఈ మూవీ కథ ఓ ఫిక్షనల్ వార్ డ్రామా అని తెలుస్తుంది. మూడవ ప్రపంచ యుద్ధం నేపథ్యంలో ఈ చిత్రం సాగుతుందట. ప్రభాస్ యుద్ధవీరుడిగా కనిపిస్తాడని ఆ వార్తల సారాంశం. అయితే ఇప్పుడు మరో వార్త బయటకు వచ్చింది. ఈ సినిమాలో మరో హీరోయిన్ కూడా ఉందని తెలుస్తోంది. కాకపోతే ఈ హీరోయిన్ ను లోకల్ లోనే ఫైనల్ చేసే ఆలోచనలో ఉన్నారట మేకర్స్. నివేదా థామస్ ను సెకండ్ హీరోయిన్ పాత్రలో తీసుకోబోతున్నట్లు తెలుస్తోంది. ఈ చిత్రాన్ని ప్రముఖ నిర్మాత అశ్వినీదత్ నిర్మించనున్నారు. ఈ చిత్రం కేవలం పాన్ ఇండియా సినిమాలా కాకుండా, పాన్ వరల్డ్ సినిమాలా తీసుకురానున్నారు. దీన్నిబట్టి చిత్రం ఎంత భారీగా ఉండనుందో అర్థమవుతోంది.
