74 స్వాతంత్ర్య దినోత్సవ వేడుకలను దేశ వ్యాప్తంగా ప్రజలంతా జరుపుకుంటున్నారు. భారీ వర్షాన్ని సైతం లెక్క చేయకుండా ఈ వేడుకల్లో పాల్గొంటూ తమ దేశ భక్తిని చాటుకుంటున్నారు. హైద‌రాబాద్‌లోని జనసేన ఆఫీస్ లో స్వాతంత్ర్య దినోత్సవ వేడుకలు గ్రాండ్ గా జరిగాయి. పార్టీ అధినేత పవన్ క‌ల్యాణ్ జాతీయ పతాకాన్ని ఎగురవేసి వందనం చేశారు.
కోవిడ్ పరిస్థితుల నేపథ్యంలో నిబంధనలకు అనుగుణంగా స్వాతంత్ర్య దినోత్సవ కార్యక్రమాన్ని నిర్వ‌హించారు. జాతీయ పతాకానికి వందనం చేసిన త‌ర్వాత.. భారతమాత, గాంధీజీ చిత్రపటాలకు పుష్ఫాంజ‌లి అర్పించారు. ఈ కార్యక్రమంలో జనసేన రాజకీయ వ్యవహారాల కమిటీ చైర్మన్ శ్రీ నాదెండ్ల మనోహర్, తెలంగాణ ఇంచార్జ్ శంకర్ గౌడ్ తదితరులు పాల్గొన్నారు.
