బాలీవుడ్ హీరో సుశాంత్ ఆత్మ హత్య చేసుకున్న విషయం తెలిసిందే. సుశాంత్ ఆత్మహత్య చేసుకోవడం ఇండస్ట్రీ లో తీవ్ర దుమారం రేపుతోంది. అభిమానులు , సినీ ప్రముఖులు ఈ షాక్ నుండి ఇంకా తేరుకోలేకపోతున్నారు. మరోపక్క సుశాంత్ ది హత్యే నని పలు వార్తలు వినిపిస్తుండడం తో అంత నిజమే కావొచ్చని నమ్ముతున్నారు. ఈ నేపథ్యంలో కేంద్రం ఈ కేసును సిబిఐ కి అప్పగించింది.
రంగంలోకి దిగిన సిబిఐ కేసును క్షణ్ణంగా పరిశీలిస్తున్నారు. తాజాగా సుశాంత్ డైరీలోని కొన్ని సంచలన విషయాలు బయటికి వచ్చాయి. 2020లో చేయాలనుకున్న ప్లాన్స్‌ను సుశాంత్ ముందుగానే సిద్ధం చేసుకున్నాడు. ఈ సంవత్సరంలో పలు సంచలనాలకు నాంది పలకాలనుకున్నాడు. గతేడాది తాను నెరవేర్చుకోవాల్సిన కలలను ఎలా డైరీలో రాసుకున్నాడో.. అలాగే ఈ ఏడాది కూడా కొన్ని డ్రీమ్స్ పూర్తి చేయాలని ఆశించాడు.
”హాలీవుడ్ అరంగేట్రం, కంటెంట్ క్రియేటర్ టీమ్, సొంతంగా నిర్మాణ సంస్థతో పాటు ఎఫ్టీఐఐ విద్యార్థులతో కలిసి పని చేయడం వంటివి ఈ ఏడాది తాను నెరవేర్చుకోవాల్సిన డ్రీమ్స్” అని సుశాంత్ తన డైరీలో రాసుకున్నాడు. ఇవి చూసి కుటుంబ సభ్యులు , సినీ ప్రముఖులు ఇంకాస్త బాధకు గురవుతున్నారు.
