టాలీవుడ్ సూపర్ స్టార్ మహేష్ బాబు ఈరోజు 45 వ ఏటా అడుగుపెట్టారు. ఈ సందర్బంగా ఆయనకు అభిమానులు , సినీ ప్రముఖులు సోషల్ మీడియా ద్వారా బెస్ట్ విషెష్ అందిస్తున్నారు. ఈ నేపథ్యంలో తెలుగుదేశం అధినేత చంద్రబాబు మహేష్ కు బెస్ట్ విషెష్ అందజేశారు .
“తెలుగు చలనచిత్ర ప్రఖ్యాత నటుడు శ్రీ మహేశ్ గారికి జన్మదిన శుభాకాంక్షలు. మీరు సినీ రంగంలో ధృవతారగా వెలగాలని కోరుకుంటూ, ఇలాంటివే మరెన్నో ఆనందకరమైన పుట్టినరోజు వేడుకలు జరుపుకోవాలని మనస్ఫూర్తిగా కోరుకుంటున్నాను” అని ట్వీట్ చేశారు.
అటు, టీడీపీ జాతీయ ప్రధాన కార్యదర్శి నారా లోకేశ్ కూడా మహేశ్ బాబుకు శుభాకాంక్షలు తెలిపారు. బాలనటుడిగా ప్రస్థానం ఆరంభించి, సూపర్ స్టార్ గా ఎదిగిన మీ నట జీవితం ఎందరికో ఆదర్శం అంటూ కొనియాడారు.
