అల్లు అర్జున్ – త్రివిక్రమ్ కలయికలో 2012 ఆగస్ట్ 9న విడుదలైన చిత్రం జులాయి. ఈ చిత్రం ఎంతటి బ్లాక్ బస్టర్ విజయాన్ని సాధించిందో తెలియంది కాదు. ఇప్పటికి ఈ మూవీ బుల్లితెర ఫై ప్రసారమైతే మంచి టిఆర్పి రేటింగ్ సాదిస్తుంటుంది. నేటితో ఈ చిత్రం 8 ఏళ్లు పూర్తి చేసుకుంది. ఈ విషయం తెలిసి చాలామంది అభిమానులు అప్పుడే 8 ఏళ్లు అయ్యిందా అని ఆశ్చర్యపోతున్నారు. బద్రీనాథ్ సినిమాతో ఫ్లాప్ అందుకుని డీలా పడిపోయిన బన్నీ కెరీర్‌కు జులాయి అసలైన ఊపు తీసుకొచ్చింది.
ముఖ్యంగా బన్నీ కారెక్టరైజేషన్.. సోనూ సూద్ విలనిజం.. త్రివిక్రమ్ పంచ్ డైలాగులు జులాయి సినిమాకు ప్రాణం. ఇలియానా గ్లామర్ కూడా ఈ సినిమాకు ప్రధానాకర్షణ. అప్పటి వరకు బన్నీని ఊరిస్తున్న 40 కోట్ల మార్క్ జులాయి సినిమాతో అందుకున్నాడు. ప్రస్తుతం సోషల్ మీడియా లో ఈ చిత్ర విశేషాల గురించి మాట్లాడుకుంటున్నారు. ఇక ప్రస్తుతం బన్నీ ..సుకుమార్ డైరెక్షన్లో పుష్ప మూవీ చేస్తున్నాడు. మైత్రి మూవీ మేకర్స్ నిర్మిస్తున్న ఈ మూవీ లో రష్మిక హీరోయిన్ గా నటిస్తుంది .
