బాలీవుడ్ హీరో సుశాంత్ ఆత్మ హత్య చేసుకున్న విషయం తెలిసిందే. సుశాంత్ ఆత్మహత్య చేసుకోవడం ఇండస్ట్రీ లో తీవ్ర దుమారం రేపుతోంది. అభిమానులు , సినీ ప్రముఖులు ఈ షాక్ నుండి ఇంకా తేరుకోలేకపోతున్నారు. మరోపక్క సుశాంత్ ది హత్యే నని పలు వార్తలు వినిపిస్తుండడం తో అంత నిజమే కావొచ్చని నమ్ముతున్నారు. ఈ నేపథ్యంలో కేంద్రం ఈ కేసును సిబిఐ కి అప్పగించింది.
రంగంలోకి దిగిన సిబిఐ కేసును క్షణ్ణంగా పరిశీలిస్తున్నారు. తాజాగా నిర్మాత రమేష్ చనిపోయే ముందు రోజు సుశాంత్‌కి ఓ స్టోరీ స్క్రిప్ట్‌ని వినిపించినట్లు తెలిపారు. దర్శకుడు నిఖిల్ అద్వానీ, తాను జూన్‌ 13న సాయత్రం సుశాంత్‌తో ఓ స్టోరీ డిస్కషన్‌ చేశామని వెల్లడించారు. రిపోర్టులో కూడా వీరు దాదాపు 12 నిమిషాలు మాట్లాడినట్లు తేలింది. ఇక ఆ తరువాత తాను సుశాంత్ టాలెంట్ మేనేజర్‌తో 5 నుంచి 6 నిమిషాలు మాట్లాడినట్లు రమేష్ పేర్కొన్నారు. అంతేకాదు నెరేషన్ చాలా బావుందని, మొత్తం స్క్రిప్ట్‌ని తయారుచేసుకొని రావాలని సుశాంత్ చెప్పినట్లు కూడా రమేష్ చెప్పుకొచ్చారు.
