హిట్ , ప్లాప్ లతో సంబంధం లేకుండా శర్వానంద్ వరుస పెట్టి సినిమాలు చేస్తున్నాడు. రీసెంట్ గా జాను సినిమాతో పలకరించిన శర్వా.. శ్రీ కార్తీక్ దర్శకత్వంలో ఓ ద్విభాషా చిత్రంలోనూ నటిస్తున్నాడు. అలాగే కొత్త దర్శకుడు కిషోర్ రెడ్డి దర్శకత్వంలో ‘శ్రీకారం’ అనే సినిమా చేస్తున్నాడు. 14 రీల్స్ బ్యానర్ లో తెరకెక్కుతున్న ఈ మూవీ షూటింగ్ చివరి దశకు చేరుకుంది.
ఈ రెండు ఇలా ఉండగానే RX100 ఫేమ్ డైరెక్టర్ అజయ్ భూపతి డైరెక్షన్లో మహాసముద్రం మూవీ చేయబోతున్నాడు. ఇవేకాక తాజాగా శ్రీ వేంక‌టేశ్వ‌ర సినిమాస్ ఎల్ఎల్‌పి (ఏషియ‌న్ గ్రూప్ యూనిట్‌) నిర్మాణంలో శ‌ర్వానంద్‌తో ఓ సినిమా చేయబోతున్నట్లు నారాయ‌ణ్ దాస్ కె. నారంగ్, పుస్కూర్ రామ్మోహ‌న్ రావు తెలిపారు. త్వ‌ర‌లో ఈ చిత్రానికి సంబంధించిన డైరెక్టర్, తారాగ‌ణం, సాంకేతిక నిపుణుల వివ‌రాల‌ను ప్ర‌క‌టించ‌నున్నారు.
