రంగస్థలం తో బ్లాక్ బస్టర్ హిట్ అందుకున్న సుకుమార్ ..ప్రస్తుతం అల్లు అర్జున్ తో పుష్ప చిత్రాన్ని చేస్తున్నాడు. కరోనా వైరస్ కారణంగా షూటింగ్ బ్రేక్ పడింది. కాస్త కరోనా ఉదృతి తగ్గినా తర్వాత షూటింగ్ మొదలు పెట్టాలని చూస్తున్నాడు. ఇదిలా ఉంటె తాజాగా ఓ గొప్ప నిర్ణయం తీసుకొని అందరి మనసులను దోచుకున్నాడు.
మొన్న ఉదయం మట్టపర్రు గ్రామంలో సుకుమార్ తన తండ్రిగారు అయిన బండ్రెడ్డి తిరుపతి రావు నాయుడు పేరు మీద మండల ప్రజా పరిషత్ ప్రాధమిక ఉన్నత పాఠశాల ఆవరణలో రెండు అంతస్తుల పాఠశాల భవనం నిర్మాణం చేయుటకు నిర్ణయం తీసుకున్నారు. దీనిని సుమారుగా 14 లక్షల రూపాయలు వ్యయంతో నిర్మిస్తున్నారు. ఈ కార్యక్రమానికి తన పెద్ద అన్నయ్య శ్రీ బండ్రెడ్డి వెంకటేశ్వర రావు శంకుస్థాపన చేయడం జరిగింది.
